आणीबाणी

घरात पाय ठेवताक्षणीं कधीच प्रसन्न दिसली नव्हती
आज मात्र गोड हंसून ‘हार्दिक स्वागत’ करीत होती
रस्त्यामध्ये भेटूनसुद्धा तोंड फिरवून जात होते-
तेच मित्र आज येवून विचार-पूस करीत होते
सणवार-उत्सव अथवा दसरा-दिवाळी काहीच नव्हते
ओळखीचे वा ओळख काढून लोक येवून भेटत होते
वाटेवरचा कुत्रासुद्धा हुडुत म्हणता हलत नव्हता
तोही आज इमानाची शेपूट हलवीत उभा होता
असे कसे घडले आज, कळले नाही, कळत नव्हते-
तसे काही घडले नव्हते, फक्त ‘पेमेंट’ झाले होते!!