सहस्र सूर्य आले तरी सुकणार नाहीत आता फुले
सहस्त्र रात्री आल्या तरी मिटणार नाहीत आता फुले
रंगीत पंख भिरभिरवीत फुलपाखरू वळणार नाही
मधमाशांचा तसाच थवा, गुणगुण-त्रास देणार नाही
शेजारच्या त्या दोन्ही कार्टय़ा, फुले चोरायला येणार नाहीत
तशाच त्यांच्या परड्यासुद्धा हसत हसत जाणार नाहीत
वाटेल हेवा फुलांस तुमच्या जन्मानंतर मरणा~या
मत्सरसुद्धा तसाच त्यांना, जन्मापूर्वी मरणा~या
निर्माल्यून जाणार नाहीत कधीच आता माझी फुले
सुकून-मिटून जात नसतात कध्धी कध्धी कागदी फुले...
कोणत्याही टिप्पण्या नाहीत:
टिप्पणी पोस्ट करा